Submitted by isuru on සඳු, 01/10/2022 - 10:33 SLT සිසු Connect යනු ඔබේ දරුවන් නිවසින් පිටත, පාසලේ හෝ වෙනත් ස්ථානයන් හි සිටින විට ඔවුන් සමග සෘජුව සම්බන්ධතා පවත්වා ගැනීම සඳහා වන අගය එකතු කළ විප්ලවීය සේවාවකි. ඔබේ දරුවන් ආරක්ෂිතව ඇමතුමක දුරින් සිටින බව සැහැල්ලු මනසින් දැන සිටීමට එය ඔබට ඉඩ සලසයි. SLT සිසු Connect යනු දරුවන්ට තමන් සිටින ඕනෑම ස්ථානයක සිට ඕනෑම වේලාවක තම දෙමාපියන් සමග පහසුවෙන් සම්බන්ධ වීමට ඉඩ සලසන සුරක්ෂිත හඬ පහසුකමකි. මෙමගින් පාසල් පරිශ‍්‍රය තුළ හෝ ඉන් පිටත තිබෙන නියම කරගන්නා ලද දුරකථන අංක හතරකට ශ‍්‍රී ලංකා ටෙලිකොම් දුරකථනයක් ඔස්සේ බාහිර ඇමතුම් ලබා ගැනීමට හැකිය. ඇමතුම් ලබා ගැනීමට කාසි හෝ කාඩ්පත් අවශ්‍ය නැත. මේ සඳහා සුදුසුකම් ලබනුයේ කවුරුන්ද? SLT මෙගාලයින් හෝ සිටිලින්ක් පසු ගෙවීම් සම්බන්ධතාවයක් ඇති SLT පාරිභෝගිකයන් රාජ්‍ය හා පෞද්ගලික පාසල් හා අනෙකුත් අධ්‍යාපන ආයතන ආදියෙහි ඉගෙනුම ලබන සියලුම සිසුන්. මෙම සේවාව ලබා ගන්නේ කෙසේද? අදාළ පාසලෙන් Sisu Connect අයැදුම්පතක් ලබාගන්න. නිවැරදිව පිරවූ අයැදුම්පත දෙමාපියන්/භාරකරු විසින් පාසල වෙත භාරදිය යුතුයි. අවශ්‍ය දුරකථන අංක/ය (උපරිමය 04කි) සහ අදාළ එසැණ ඇමතුම් අංක (speed dial numbers) ද දෙමාපිය/භාරකරුවන් විසින් නම් කළ යුතුයි. SLT සමාගම විසින් ලියාපදිංචිය සිදු කළ පසුව විශේෂිත පෞද්ගලික හඳුනාගැනීමේ අංකයක් (PIN) සහ Sisu Connect හැඳුනුම්පතක් ලබා දෙනු ලැබේ. සැපයෙන සේවාවන් ඕනෑම SLT දුරකථනයක් භාවිත කරමින් කලින් නියම කරන ලද දුරකථන අංක හතරක් වෙත ක්ෂණික ඇමතුම් ලබා ගැනීමේ පහසුකම. සිසු Connect Voice Mail සේවාව මෙය කිසිදු අයකිරීමකින් තොරව පවතින Sisu Connect සේවාවක් වෙත සම්බන්ධ කරනු ලැබේ. Voice Mail සේවාවට පිවිසීම සඳහාද Sisu Connect සේවාව වෙනුවෙන් ලබාදී ඇති PIN අංකයම යොදා ගත යුතුය. Voice Mail ඇමතුම් ලබා ගැනීමේ පරිපාටියද පවතින Sisu Connect සේවාවේ ඇමතුම් ලබා ගැනීමට සමාන වේ. මෙම සේවාව භාවිත කරන්නේ කෙසේද? 1214 කෙටි කේත අංකය අමතා ටෙලිකොම් වෙතින් ඔබ වෙත ලැබෙන පුද්ගලික හඳුනා ගැනීමේ අංකය (PIN) ඇතුළත් කිරීමෙන් ඕනෑම SLT පසු ගෙවුම් සම්බන්ධතාවයක් (payphone, Megaline , Citylink)) හරහා මෙම සේවාවට පිවිසිය හැකිය. එසැණ ඇමතුම් අංක (speed dial numbers) ඔබේ මනාපය පරිදි නියම කළ හැකිය. Voice Mail සේවාව. Sisu Connect ගිණුම මත තරු සළකුණ යොදා පරිශීලනය කරන්නාගේ අනන්‍යතා අංකය ඇතුළත් කළ පසුව සිසුවා/දෙමාපියන් හට Voice Mail එකක් යොමු කළ හැකිය. පරිශීලකයා විසින් සාර්ථක ලෙස ලියාපදිංචිය තහවුරු කිරීමෙන් අනතුරුව # සලකුණ යොදා Sisu Connect හරහා Voice Mail පණිවුඩ ලබා ගත හැක. පැකේජ ගාස්තු මාසික ගාස්තුව රු.30.00 ලියාපදිංචි ගාස්තුව නොමිලේ කෙටි කේත අංකය වන 1214 සදහා ගාස්තුව නොමිලේ ඇමතුම් ගාස්තු ටෙලිකොම් අංකයකින් තවත් ටෙලිකොම් අංකයකට රු.1.00 ටෙලිකොම් අංකයකින් වෙනත් අංකයකට රු.2.00 අනෙකුත් ගාස්තු PIN අංකය වෙනස් කිරීම රු.30.00 හැදුනුම්පත අස්ථානගත වී ඇත්නම් රු.25.00 සටහන් ඉහත ගාස්තු වලට බදු ඇතුළත් නොවේ. සේවාවන් මිලදී ගන්නා අවස්ථාවේදී ඒවාට අදාළ බදු එකතු කරනු ලැබේ. මෙම සේවාව ස්රදහා අධ්‍යාපන අමාත්යාංශයේ අනුමැතිය ලැබී ඇත. Sisu Connect 4G/LTE Fibre Fibre 1Gbps Megaline Select Section Telephone